UFC 249. Икки томонлама қонли жанг муддатидан аввал тўхтатилди + ФОТО

Мухлисларсиз ўтаётган UFC 249 турнирининг қизиқарли жангларидан яна бири ўз якунига етди. Унда Висенте Луке (17-7-1) ва Нико Прайс (14-3) ўзаро тўқнаш келишди. Ушбу жанг реванш мақомида бўлиб, ҳақиқий маънода қонли жангга айланди.

Илк жангда Луке ғалаба қозонган эди. Реванш жангини Нико лоукик, хайкик ва кучли жеб зарбалари билан бошлади. Кейинги раундда Прайс нокдаун эвазига мувозанатни тиклади. 

Учинчи раунд давом этаётган бир пайтда эса шифокорлар тавсияси билан жанг тўхтатилди. Бу вақтга келиб Прайснинг кўзи гематомадан деярли кўрмай қолганди. Лукенинг ўзи ҳам яқинлари танимайдиган ҳолатга келаётганди. Қонли жангда ҳакамлар Висентенинг техник нокаутли ғалабасини таъминлашди.