10 май 07:38
Янгиликлар

Бокс/ММА

UFC 249. Петтис - Серроне "Ковбой" реванш жанги бўлиб ўтди

Хабар берганимиздек, АҚШнинг Флорида штати Жексонвилл шаҳрида узоқ кутилган UFC оқшоми давом этмоқда.

Ҳозиргина мухлисларсиз ўтаётган UFC 249 турнирининг қизиқарли жангларидан бири якунига етди. Унда америкалик Энтони Петтис реванш жангида Дональд "Ковбой" Серронега қарши октагонга кўтарилди. Бу икки спортчининг илк жанги 2013 йилда ўтказилиб, ўшанда Петтис рақибини биринчи раунддаёқ нокаутга учратган эди.

Реванш жанги эса тўлиқ уч раунд давом этди. Якунда ҳакамлар бир овоздан ғалабани Петтисга тақдим этишди. Серроне кетма-кет тўртинчи мағлубиятини қабул қилиб олди. Бундан аввалги жангда у Конор Макгрегордан қандайдир 25 сонияда мағлуб бўлган эди.