10 май 06:59
Янгиликлар
Бокс/ММА
UFC 249. Россиялик спортчи Вердумни мағлуб этди
АҚШнинг Флорида штати Жексонвилл шаҳрида узоқ кутилган UFC оқшоми бошланди.
Мухлисларсиз ўтаётган UFC 249 турнирининг оғир вазн тоифасидаги жангчилар баҳсида россиялик Алексей Олейник номдор рақиби Фабрисиу Вердумга қарши октагонга кўтарилди.
Жанг тўлиқ уч раунд давом этди. Якунда ҳакамлардан икки нафари Олейникнинг, яна бири Вердумнинг ғалабасини таъминлади. Бу билан Алексей Олейник кучли рақибини мағлуб этишни уддалади. Олейникнинг ғалабалари сони 59 тага етди. Ҳисобида 13 та мағлубият ва битта дуранг бор.
Вердум эса тўққизинчиси мағлубиятини қабул қилиб олди. Унинг ғалабалари сони 23 талигича қолди. Олейник сўнгги жангини шу йилнинг январь ойида Морис Гринга қарши ўтказиб, ғалабага эришганди. Вердум эса 2018 йилнинг мартида Александр Волковга имкониятни бой берганди.
Ҳавола :
Фикрлар