07 июн 08:11
Янгиликлар

Бокс/ММА

UFC 250. О'Мэлли асосий кард жангларини нокаут билан бошлаб берди, бу унинг кетма-кет 12-ғалабаси!

Айни дақиқаларда АҚШнинг Невада штати Лас-Вегас шаҳрида UFC 250 турнири бўлиб ўтмоқда.

Бундан бир неча дақиқа аввал асосий карднинг илк жанги якунланди. Унда истиқболи юқори баҳоланаётган Шон О'Мэлли енгил вазн жангида Эдди Вайнлендга қарши октагонга кўтарилди.

Жанг узоқ давом этмади. Шон биринчи раунднинг ўзидаёқ рақибини нокаутга учратди. Бу О'Мэлли учун кетма-кет қозонилган 12-ғалабаси бўлди. Сўнгги 4 та ғалабасига UFC лигасида эришган. Эдди Вайнленд эса фаолиятидаги 14-мағлубиятини қабул қилиб олди. Ҳисобида 24 та ғалаба ва бир дуранг бор.