UFC 256 турнири доирасидаги жанг бекор қилинди

UFC 256 турнирининг марказий жангида энг енгил вазн тоифаси чемпиони Дэвисон Фигередо даъвогар Брэндон Моренодан камарини ҳимоя қилади. Андеркард жангда эса Тони Фергюсон Чарлес Оливерага қарши октагонга кўтарилади. 

Афсуски, асосий карддан ўрин олган жангларнинг бири ўтказилмайди. Оғир вазн тоифасида Сергей Спивак ҳамда Жаред Вандераа ўртасида ўтказилиши режалаштирилган жанг Жаредда коронавирус аниқлангани боис бекор қилинди. Ушбу жанг бошқа турнирга қолдирилди. 

Эслатиб ўтамиз, Сергей Спивак лигада 4 та жанг ўтказган бўлиб, уларнинг 2 тасида ғалаба қозонган, яна 2 тасида мағлубият аламини тотиб кўрган. Сўнгги жангида Карлос Фелипедан устун келганди. Вандераа эса ўтган ойда UFC билан шартнома имзолаганди. Спивакка қарши жанг у учун дебют бўлиши керак эди.