07 ноя 11:38
Янгиликлар

Бокс/ММА

UFC 268 турнирининг бонус соҳиблари маълум

Бироз аввал АҚШнинг Нью-Йорк шаҳридаги "Мэдисон Сквер Гарден" аренасида UFC 268 турнири якунланди.

Ташкилотчилар кафолатланган гонорардан ташқари қўшимча 50 000 доллардан бонус, яъни мукофот пуллари кимларга насиб этганини ошокор қилишди. Оқшомнинг энг яхши жанги сифатида америкаликлар Жастин Гэтжи ва Майкл Чендлер ўртасидаги тўқнашув тан олинди. Жангда Жастин очколар ҳисобига кўра ғалаба қозонди. Ҳар икки жангчи 50 минг доллардан бонусга эга бўлишди.

Шунингдек, чиройли иштирок ва ғалаба учун Алекс Перейра, Марлон Вера, Бобби Грин ва Крис Барнетт ҳам бонусга лойиқ кўрилган. Кечанинг марказий жангида чемпион Камару Усман даъвогар Колби Ковингтонни 48:47, 48:47, 49:46 ҳисобларида мағлубиятга учратди.