UFC 269. Чимаев Эдвардга қарши жангда Масвидалнинг ўрнини эгаллашга тайёр

Оқшомнинг асосий кардидан ўрин олган ва ММА мухлислари кутаётган Хорхе Масвидаль - Леон Эдвардс жанги бекор бўлган эди. Бунга америкалик 36 ёшли Масвидалнинг машғулотда орттириб олган жароҳати сабаб бўлганди. 

Асли чеченистонлик, ҳозирда Швеция шарафини ҳимоя қилаётган 27 ёшли Хамзат Чимаев Масвидалнинг ўрнига ўз номзодини илгари сурди. 

"Леон, кел буни амалга оширамиз", — дея ўзининг "Твиттер" саҳифасида британиялик 30 ёшли Эдвардсга мурожаат қилган Чимаев.

Маълумот учун, шу кунгача Чимаев - Эдвардс жанги уч маротаба бекор бўлганди. Аввалига жанг 2020 йилнинг 19 декабрь куни ўтказилиши керак эди. Лекин Леоннинг коронавирусга чалиниши сабаб жанг бекор қилинди ва шу йилнинг 20 январига кўчирилди. Кейин эса Чимаевда коронавирус аниқланди. Шундан сўнг Хамзат касаллик асоратида яна жангда иштирок эта олмади.