11 ноя 09:16
Янгиликлар

Бокс/ММА

UFC 269. Икки чемпионлик жанги ўрин олган оқшомнинг яна бир қизиқарли тўқнашуви бекор бўлди

11 декабрь куни АҚШнинг Невада штати Лас-Вегас шаҳридаги "T-Mobile Arena"да UFC 269 турнири бўлиб ўтади.

Оқшом доирасида иккита чемпионлик жангининг ўтказилиши режалаштирилган. Чарльз Оливейра марказий жангда енгил вазндаги чемпионлик камарини Дастин Порьедан ҳимоя қилади. Икки вазнда UFC чемпиони Аманда Нуньес эса Жулиана Пеньяга қарши октагонга кўтарилади.

Афсуски, асосий карддан ўрин олган ва ММА мухлислари кутаётган Хорхе Масвидаль - Леон Эдвардс жанги бекор бўлди. Бунга америкалик 36 ёшли Масвидалнинг машғулотда орттириб олган жароҳати сабаб бўлди. Айни пайтда UFC раҳбарлари Леон Эдвардсга янги рақиб излашяпти.