22 янв 09:58
Янгиликлар

Бокс/ММА

UFC 270 асосий кардидан ўрин олган битта жанг бекор қилинди

Теглар : UFC 270

Хабар берганимиздек, эртага АҚШнинг Калифорния штати Анахайм шаҳрида бу йил ҳисобидан дастлабки рақамланган UFC турнири бўлиб ўтади.

Қизиғи, оқшомга бир кун қолган бир пайтда асосий карддан ўрин олган бразилияликлар иштирокидаги жанг ўтказилмайдиган бўлди. Ўрта вазн тоифаси вакиллари Родольф Виейра ҳамда Веллингтон Турман ўртасидаги жанг номаълум сабабларга кўра бекор қилинди.

Жанг бошқа муддатга кўчирилмайди. Хабарда Турманнинг ушбу жанг учун ваъда қилинган гонорарни олиши маълум қилинган. Демак, катта эҳтимол билан бразилияликлар ўртасидаги жанг Виейранинг айби билан бекор бўлган.

Родольф Виейра 8 ғалаба ва 1 мағлубият қайд этган. Охирги жангини ўтган йилнинг июль ойида америкалик Дастин Штольцфусга қарши ўтказиб, учинчи раундда муддатидан аввал ғалаба қозонган эди.

Турман 17 ғалаба ва 5 мағлубиятга эга. Ўтган йилнинг август ойида америкалик Сэм Алвидан очколар ҳисобига кўра устун келганди.