22 янв 10:40
Янгиликлар

Бокс/ММА

UFC 270. Яна бир жанг бекор қилинди

Эртага АҚШнинг Анахайм шаҳрида ўтказиладиган UFC 270 турнири яна бир жангдан маҳрум бўлди.

Грузиялик UFC жангчиси Илия Топурия вазн билан боғлиқ сабаб туфайли эртага октагонга чиқа олмайди. Шифокорлар тавсияси билан Топурия жангдан "олинди". У меъёридан кўп вазн ташлаганидан сўнг соғлиғида муаммога дуч келган.

Маълумот учун, Илия Топурия UFC 270 турнирида канадалик Шарль Жорденга қарши октагонга чиқиши лозим эди. Аслида унинг рақиби россиялик Мовсар Евлоев бўлиши керак эди, лекин Мовсарда коронавирус аниқланганидан сўнг Топуриянинг рақиби ўзгарганди.

Илия Топурия ММАда 11 та жанг ўтказиб, барчасида ғалаба қозонган. Охирги жангини ўтган йилнинг 10 июль куни Райан Холлга қарши ўтказиб, рақибини биринчи раунднинг тўртинчи дақиқасида нокаутга учратган эди.