06 мар 09:21
Янгиликлар

Бокс/ММА

UFC 272. Молдовалик жангчи америкаликни нокаутга учратди + ФОТО

Айни дақиқаларда АҚШнинг Лас-Вегас шаҳрида UFC 272 турнири давом этмоқда.

"Ти-Мобайл Арена" стадионида ўтаётган оқшом доирасидаги жангларнинг бири оғир вазн тоифасида ўтказилиб, унда молдовалик 27 ёшли Сергей Спивак америкалик 33 яшар Грег Хардига қарши октагонга кўтарилди.

Жанг биринчи раунддаёқ якунига етди. Спивак рақибини техник нокаут эвазига мағлубиятга учратди. Сергей бундан аввалги жангида Том Аспиналлга имкониятни бой берган эди. Ушбу жанг сентябрь ойида UFC Fight Night 191 турнири доирасида ўтказилган эди.

Спивак ММАдаги фаолияти давомидаги 14-ғалабасини тантана қилди. Ҳисобида 3 та мағлубият бор. Харди бугун эса фаолиятидаги бешинчи мағлубиятини қабул қилиб олди. Бу унинг UFC промоушенидаги кетма-кет учинчи мағлубияти бўлди.