"UFC 318 турнири у учун ташкил этилмоқда" — Дана Уайт

Бу мусобақа орқали у ўзининг севимли шаҳри — Нью-Орлеанда мухлислари билан хайрлашади.

"Бутун дунё учун Дастин Порье — бизнинг катта юлдузимиз. У бу спортда жуда кўп нарсага эришган. Ростини айтсам, ушбу турнир айнан унинг учун. У ўзининг сўнгги жангини Нью-Орлеанда ўтказиб, фаолиятини шу ерда якунлашни хоҳлади. Энди биз шу ердамиз. Ҳозир у енгил вазн рейтингида бешинчи ўринни эгаллаб турибди ва узоқ вақт давомида кучли ўнликда бўлган. У катта натижаларга эришди. Порье — барча даврларнинг энг кучли жангчиларидан бири. UFC тарихида минглаб жангчилар бўлган, мен уни аниқ қайси ўринга қўйишни билмайман, лекин у албатта энг яхшилар қаторида. Порье Макс Холлоуэй билан жанг қилади — у ҳам энг буюклардан бири. Бу ажойиб жанг бўлади", — деди Уайт.