UFC 321 турнирининг бонуслари кимларга насиб этди?

Лига матбуот хизмати бонус соҳибларини эълон қилди. Кўрсатган ёрқин жанги билан бошқалардан ажралиб турган 4 нафар аралаш яккакураш устаси кафолатланган гонорардан ташқари 50 000 доллардан мукофот пулига эга чиқишди. 

Қизиғи, бонус эгаларининг бари прелим кардда чиройли ғалабага эришишган. Ёрқин жанг учун Вальтер Уокер ва Куиллан Салкилду бонусга лойиқ кўрилди. Богдан Гусковнинг жамоадоши ҳисобланган Уокер биринчи раунддаёқ Луи Сазерлендни сабмишн эвазига мағлуб этди. Куиллан Салкилд эса биринчи раундда Насрат Хакпарастни бошга йўлланган оёқ зарбаси билан чуқур нокаутга учратди. 

Енгил вазнда ўтказилган Матеуш Ребецки - Людовит Клайн тўқнашуви эса UFC 321 турнирининг энг яхши жанги деб топилди. Уч раунд тўлиқ давом этган қонли жангда Людовит Клайн ҳакамлар қарорига кўра ғалаба (29-28, 28-27, 28-28) қозонди.