UFC 323 карди юлдузлашиб боряпти. Собиқ икки вазн чемпиони ҳам шу турнирда октагонга чиқади + ПОСТЕР

Ўта енгил ва энг енгил вазн тоифаларида собиқ UFC чемпиони, эркин кураш бўйича Олимпиада чемпиони америкалик Генри Сехудо UFC 323 турнирида ҳамюрти Пэйтон Талботтга қарши октагонга чиқадиган бўлди. Бу жанг ҳам UFC раҳбари Дана Уайт томонидан расман тасдиқланди.  

Расмий маълумотга кўра, Сехудо — Талботт жанги турнирнинг андеркардидан ўрин олади ва ярим енгил вазн тоифасида ўтказилади. 38 ёшли Генри Сехудо учта мағлубиятли серия билан келмоқда. У Алжамэйн Стерлинг, Мераб Двалишвили ва Сонг Ядонгга ютқазиб қўйган.

Пэйтон Талботт эса шу йилнинг июнь ойида ҳакамларнинг якдил қарори билан Фелипе Лимани мағлубиятга учратган эди. Унгача 27 ёшли жангчи Раони Барселосга имкониятни бой берганди. Бу Пэйтоннинг фаолиятидаги илк мағлубият бўлганди.  

Таққослаш учун, Генри Сехудо кетма-кет учта мағлубиятга қарамай, айни пайтда ўта енгил вазн тоифаси рейтингида 10-ўринни эгаллаб турибди. Пэйтон Талботт эса ҳали дивизионнинг Топ-15 жангчилари рейтингига кирмаган.