UFC 327: Олтита "финиш" қайд этилган Прохазка - Улберг оқшомининг барча натижалари

Оқшомнинг асосий жанги ярим оғир вазн тоифасида вакант бўлиб турган чемпионлик камари учун кечди. Унда Янги Зеландия вакили Карлос Улберг чехиялик собиқ чемпион Иржи Прохазкага қарши октагонга кўтарилди. Жанг бироз кутилмаганда Карлоснинг техник нокаутли ғалабаси билан якунланди. Иржи жанг давомида жароҳат олган рақибига раҳм қилиб урмагани ва бунинг учун жазоланганини таъкидлади. 

Турнирнинг аҳамияти жиҳатидан иккинчи жангида ҳам ярим оғир вазн тоифаси вакиллари ўзаро тўқнаш келди. Россиялик Азамат Мурзаканов фаолиятидаги илк мағлубиятини қабул қилиб олди. У учинчи раундда бразилиялик Пауло Костага техник нокаут билан ютқазиб қўйди.

Оғир вазн жангчиси Жон Хокит тажрибали Кёртис Блейдсни ҳакамлар қарорига кўра таслим этди. UFC раҳбари Дана Уайт жангдан кейин Хокит энди Деррик Льюисга қарши Оқ уйдаги турнирда октагонга чиқишини эълон қилди. Бу билан 14 июндаги Оқ уй турнири кардига яна бир жанг қўшилди. 

UFC 327 турнирининг барча натижалари:

Ярим оғир вазн: Карлос Улберг Иржи Прохазкани 1-раундда техник нокаутга учратди 

Ярим оғир вазн: Пауло Коста Азамат Мурзакановни 3-раундда техник нокаут эвазига енгди

Оғир вазн: Жош Хокит Кёртис Блейдсни ҳакамларнинг якдил қарори билан ютди (29-28, 29-28, 29-28).

Ярим оғир вазн: Доминик Рейес Жонни Уокерни ҳакамларнинг айри қарори билан таслим этди (29-28, 28-29, 29-28).

Ярим енгил вазн: Каб Свонсон Нейт Ландверни 1-раундда техник нокаут билан мағлубиятга учратди 

Ярим енгил вазн: Аарон Пико Патрисио Питбулни очколар бўйича енгди (30-27, 30-27, 29-28).

Ярим ўрта вазн: Кевин Холланд Рэнди Браун устидан очколар ҳисоби бўйича зафар қучди (30-27, 30-27, 30-27).

Енгил вазн: Матеуш Гамрот Эстебан Рибовични 2-раундда бўғиш усули билан ютди

Аёллар минимал вазн: Татьяна Суарес Лупита Годинесни 2-раундда бўғиб қўйди

Енгил вазн: Марквел Медейруш - Крис Падилья жанги дуранг натижа билан тугади (29-27, 28-28, 28-28).

Ўрта вазн: Висенте Люке Келвин Гастеллумни 1-раундда бўғиш усулида таслим этди

Ярим ўрта вазн: Чарльз Радтке Франсиско Прадони ҳакамлар қарори эвазига енгди (30-26, 30-26, 30-26).