UFC 328 бонуслари кимларга насиб этди? Бу сафар жангчилар асосий бонусдан ташқари қўшимча "соққа" ҳам ишлаб олишди

Оқшомнинг марказий жангида америкалик Шон Стрикленд БАА вакили Хамзат Чимаевни очколар ҳисобига кўра мағлуб этиб, фаолиятида яна бир бор ўрта вазн чемпионига айланди.

Иккинчи асосий баҳсда эса мьянмалик ўта енгил вазн чемпиони Жошуа Ван ўз камарини япониялик Татсуро Тайрадан ҳимоя қилди. Ван илк ҳимоя жангида рақибини бешинчи раундда техник нокаутга учратди. 

Ташкилотчилар турнир мукофот пуллари кимларга ажратилганини очиқлашди:

"Кечанинг энг яхши чиқиши" бонуси – Ярослав Амосов ва Жим Миллер

"Кечанинг энг яхши жанги" бонуси – Жошуа Ван vs Татсуро Тайра

Бундан ташқари, оқшом доирасида асосий бонусни қўлга киритмаган, бироқ турнирда муддатидан аввал ғалаба қозониб, вазн ўлчаш маросимидан муваффақиятли ўтган жангчилар - Атеба Гаутье, Грант Доусон, Жим Миллер, Байсангур Сусуркаев қўшимча 25 минг АҚШ доллари миқдорида мукофот пулларига эга бўлиши ҳам маълум қилинди.