UFC чемпиони Волкановски режаларини ошкор этди

Австралиялик чемпион март ойида октагонга қайтади. Волкановски (22-1) жорий 2021 йилда жами 3 та жанг ўтказишни режалаштирган.

"Жамоам билан бирга режаларни муҳокама қиляпмиз. Биринчи навбатда Янги Зеландияга виза олишимиз керак. Илк машғулот лагери айнан у ерда бўлади. UFC жанг санаси ва манзилини тақдим этиши билан белгиланган жойга етиб борамиз. Мен олдиндан жанг санасини билишим шарт. Чунки, икки ҳафталик карантинни ўташ керак бўлади.   

Ўйлайманки, 2020 йилни тезроқ унутиб, кириб келган 2021 йилда янги мақсадлар сари интиламиз. Режам бўйича бу йил учта жанг ўтказишим керак. Матбуотда март ойида жанг ўтказишим ҳақида хабарлар пайдо бўлди. Лекин мен бундан бехабарман", - дея Волкановскининг сўзларини келтирмоқда SCMP MMA.

Эслатиб ўтамиз, Алекс Волкановски 2020 йилнинг июль ойида Абу-Дабидаги UFC 251 турнирида Макс Холлоуэйни мағлубиятга учратиб, чемпионлик камарини ҳимоя қилганди.