26 июл 07:54
Янгиликлар

Бокс/ММА

UFC Fight Island 3 турнирининг андеркард жанги якунланди

Абу-Дабидаги "Жанглар ороли"да UFC Fight Island 3 турнири давом этмоқда.

Ҳозиргина оқшомнинг андеркард жанги якунланди. Унда 38 ёшли Маурисио Руа (26-11-1) 44 ёшли рақиби Антонио Рожериу Ногейра (23-9) билан тўқнаш келди. Бу икки спортчининг ўзаро учинчи жанги эди. Бундан аввалги иккита жангда Маурисио ғалаба қозонганди.

Трилогия тўлиқ давом этди ва унда Руа ўзидан олти ёш катта рақибини очколар ҳисоби (29-28, 28-29, 29-28 )га кўра мағлубиятга учратди. Ҳакамлардан икки нафари Руанинг, учинчиси Ногейранинг ғалабасини таъминлади. Бироздан сўнг марказий жангда австралиялик Роберт Уиттакер англиялик Даррен Тиллга қарши октагонга кўтарилади.