14 май 08:52
Янгиликлар

Бокс/ММА

UFC Fight Night 171. 41 ёшли Орловский иштирокидаги жанг якунланди

Айни дақиқаларда АҚШнинг Флорида штати Жексонвилл шаҳрида UFC Fight Night 171 турнири бўлиб ўтмоқда.

Марказий карднинг илк жангида беларуслик Андрей Орловский бразилиялик Филипе Линсга қарши октагонга кўтарилди. Жанг тўлиқ уч раунд давом этди ва якунда 41 ёшли Орловский ҳакамлар қарорига кўра ғалаба қозонди - 30:27, 30:27, 29:28.

Бу беларуслик тажрибали жангчи учун фаолиятидаги 29-ғалаба бўлди. Унинг ҳисобида 19 та мағлубият бор. Линс эса UFCдаги дебют жангини муваффақиятсиз якунлади. Филипе 2018 йили оғир вазнда PFL промоушени чемпиони бўлган эди.