14 май 09:19
Янгиликлар

Бокс/ММА

UFC Fight Night 171. Оқшомнинг марказий жанги муддатидан аввал якунланди

Хабар берганимиздек, АҚШнинг Флорида штати Жексонвилл шаҳрида UFC Fight Night 171 турнири бўлиб ўтмоқда.

Ҳозиргина кечанинг марказий жанги ҳам якунланди. Ярим оғир вазн тоифасида ўтган жангда бразилиялик Гловер Тейшейра ҳамда америкалик Энтони Смит ўзаро октагонда тўқнаш келишди.

Кутилганидек жанг фаворити ҳисобланган Тейшейра илк дақиқалардан ташаббусни ўз томонига оғдириб олди. Сўнгги бешинчи раундда жанг рефериси ҳисобни очди ва Смитнинг техник нокаутини қайд этди.

Шу тариқа бразилиялик аралаш қоидалар устаси фаолиятидаги 31-ғалабасини тантана қилди. Унинг ҳисобида 7 та мағлубият ҳам бор. Америкалик Смит эса бугун 38-жангидаги 15-мағлубиятини қарши олди. Бу турнир ҳам UFC 249 шоуси сингари мухлисларсиз ўтди.