UFC Fight Night 177 турнирининг марказий жанги эълон қилинди

Ташкилотчилар UFC APEX аренаси мезбонлик қилувчи ушбу оқшомнинг марказий жанги жуфтлигини эълон қилишди. Жанг оғир вазн тоифасида ўтказилади ва унда россиялик Александр Волков америкалик Кёртис Блейдсга қарши октагонга кўтарилади. 

Эслатиб ўтамиз, Волков ўзининг сўнгги жангини ўтган йилнинг ноябрь ойида Москвада Грег Хардига қарши ўтказиб, ғалабага эришганди. Волков айни пайтда UFC рейтингида 7-ўринни эгаллаб турибди. Блейдс эса сўнгги жангида рейтингнинг 3-поғонасидан жой олган Жуниор дос Сантосни нокаутга учратган эди. 

Маълумот учун, россиялик аралаш қоидалар устаси 38 та жангидан 31 тасида ғалаба қозонган. Ҳисобида 7 та мағлубият бор. Блейдс эса 15 та жангидан 13 тасини ўз фойдасига ҳал қилган. Икки жангда мағлубият аламини тотиб кўрган.