22 фев 11:31
Янгиликлар

Бокс/ММА

UFC Fight Night 267 турнирининг бонус соҳиблари маълум

АҚШнинг Хьюстон шаҳрида ўтказилган UFC Fight Night 267 турнирининг 100 000 долларлик мукофот соҳиблари эълон қилинди.

Кутилганидек, бугунги турнирда рақибларини нокаут эвазига мағлуб этган жангчилар кафолатланган гонорардан ташқари қўшимча 100 000 АҚШ доллари миқдоридаги мукофот пулларига лойиқ кўрилишди.

Оқшомнинг асосий жангида Энтони Эрнандесни учинчи раундда техник нокаутга учратган ўрта вазн тоифасида собиқ UFC чемпиони Шон Стрикленд, кетма-кет учинчи жангини ҳам биринчи раундда нокаут билан якунлаган ярим ўрта вазн тоифаси вакили Урош Медич, биринчи раундда тажрибали Дэн Игега фаолиятидаги илк мағлубиятни тақдим этган ярим енгил вазн жангчиси Мелкизаэл Коста ҳамда Жозайя Харреллни биринчи раундда нокаут қилган ярим ўрта вазндаги аралаш яккакураш устаси Жейкоби Смит бонус соҳибига айланди.