19 май 08:42
Янгиликлар
Бокс/ММА
UFC Fight Night турнирининг марказий жанги маълум қилинди
UFC промоушени томонидан 24 июль куни ўтказиладиган навбатдаги турнирнинг марказий жанги тасдиқланди.
Унга кўра UFC Fight Night турнирининг марказий жангида енгил вазнда собиқ UFC чемпиони, америкалик 35 ёшли Ти Жей Диллашоу рейтингнинг иккинчи поғонасидан жой олиб турган Кори Сэндхагенга қарши октагонга кўтарилади. Ҳозирча ушбу турнирнинг ўтказилиш манзили маълум эмас.
Эслатиб ўтамиз, аслида ушбу жанг 9 май куни UFC Вегас 26 турнири доирасида ўтказилиши керак эди. Лекин Диллашоунинг жароҳати сабаб кечроқ муддатга кўчирилганди. Бу Ти Жей учун икки йиллик дисквалификациядан кейинги илк жанг бўлади. У 2019 йилда тақиқланган модда сабаб икки йилга четлатилган эди.
Ҳавола :
Манба : championat.com
Фикрлар