10 авг 11:35
Янгиликлар

Бокс/ММА

UFC камарига даъвогар миллион доллар эвазига жангни "бериш"га тайёр

Ярим енгил вазн тоифасида UFC чемпионлик камарига даъвогар Брайан Ортега келишилган жанг иштирокчиси бўлишга қарши эмаслигини маълум қилди.

"Агар вариант таклиф қилинса, мен бир миллион доллар эвазига жангда ютқазиб беришга тайёрман. Яратгандан бошқаси яна қанча октагонда жанг қилишимни билмайди. Лекин ҳали фаолиятим давомида шунча пулни кўрмаганман. Шу сабабли ҳам миллион долларга ўзимни қурбон қилиш учун йўқ демаган бўлардим. Албатта, бу воқеа навбатдаги жангимда содир бўлмайди. Кейинги жангимни аниқ ютқазмайман. Аммо, келажакда бу келишув рўй бериши мумкин. Унгача актёрлик маҳоратимни ошириб бораман", - деди Ортега.

Эслатиб ўтамиз, Брайан Ортега 25 сентябрь куни Лас-Вегасда ўтказиладиган UFC 266 турнири доирасида дивизионнинг амалдаги чемпиони Александр Волкановскига қарши октагонга кўтарилади.