UFC Лондон: Евлоев - Мёрфи оқшомининг икки жангчиси вазн қила олмади

Бугун UFC Fight Night 270 турнири иштирокчилари расмий тарозидан ўтиш ҳамда face to face маросимларида ҳозир бўлишди. Оқшомнинг асосий жанги ярим енгил вазнда ўтказилади ва унда россиялик Мовсар Евлоев мезбонлар вакили Лерон Мёрфига қаршги октагонга чиқади. 

Ҳар икки аралаш яккакураш устаси белгиланган вазн меъёрини бажарди. Евлоев – 66.22 кг, Мёрфи эса бироз енгилроқ 65.77 кг тош босди. Ушбу жанг потенциал даъвогарлик мақомида бўлиб, ғолиб австралиялик чемпион Алекс Волкановскининг камари учун октагонга чиқиш ҳуқуқини қўлга киритади.     

Прелим кардда жанг қилувчи икки аёл спортчи - Равена Олийвейра ва Луана Каролина белгиланган вазн меъёрини бажара олмади. Оливейра биринчи энг енгил вазн меъёридан 0,23, ўта енгил вазн вакиласи Каролина эса оз эмас, кўп эмас, 3.63 кг ортиқча вазнга эга экани ойдинлашган. Равена ўз гонорарининг маълум бир қисмини рақибаси Шанель Дайерга беради. Луана Каролинанинг Мелисса Маллинсга қарши жанги бекор қилинди.   

UFC Fight Night 270 тарози натижалари

Мовсар Евлоев (66.22 кг) – Лерон Мёрфи (65.77 кг)

Майкл Асвелл (65.77 кг) – Люк Райли (66.22 кг)

Майкл Пейж (77.56 кг) – Сэм Паттерсон (77.11 кг)

Иво Бараневский (93.44 кг) – Остин Лэйн (92.99 кг)

Роман Долидзе (84.37 кг) – Кристиан Лерой Данкан (84.37 кг)

Кёртис Кэмпбелл (65.77 кг) – Дэнни Сильва (65.77 кг)

Прелим кард жанглари

Мэйсон Жонс (70.76 кг) – Аксель Сола (70.76 кг)

Лосене Кейта (66.22 кг) – Натаниэль Вуд (66.22 кг)

Брандо Перичич (119.75 кг) – Луи Сазерленд (119.75 кг)

Мантас Кондратавичюс (83.91 кг) – Антони Троколи (83.91 кг)

Фелипе Франко (102.97 кг) – Марио Пинто (116.57 кг)

Абдул-Карим Ал-Сельвади (70.76 кг) – Шакум Рок (70.76 кг)

Шанель Дайер (52.62 кг) – Равена Оливейра (52.84 кг)*

Луана Каролина (65.32 кг)* – Мелисса Маллинс (61.69 кг)