02 ноя 08:09
Янгиликлар

Бокс/ММА

UFC октябрь ойининг энг яхши жангини аниқлади

Дунёнинг энг кучли Лигаси матбуот хизмати томонидан октябрь ойининг энг яхши жанги эълон қилинди.

Яримоғир вазнда собиқ UFC чемпиони чехиялик Иржи Прохазка ҳамда камар учун собиқ даъвогар америкалик Халил Раунтри ўртасидаги тўқнашув промоушеннинг октябрь ойидаги энг яхши жанги деб топилди. 5 октябрь куни АҚШнинг Лас-Вегас шаҳрида ўтказилган ўша жангда дастлабки икки раундни бой берган Иржи учинчи раундда рақибини апперкот зарбаси билан нокаутга учратган эди.

Бу Прохазка учун профессионал ММА фаолиятидаги 32-ғалаба бўлганди. Унинг ҳисобида яна 5 мағлубият ва 1 та дуранг ҳам бор. Чехиялик бундан аввалги жангида Жамал Хиллни ҳам мағлубиятга учратган эди. Раунтри эса фаолиятидаги саккизинчи мағлубиятини қабул қилиб олганди. Ҳисобидаги ғалабалари 15 талигича қолганди. Унинг иштирокидаги яна битта жанг ўтказилмаган деб топилган.