06 дек 09:09
Янгиликлар

Бокс/ММА

UFC on ESPN 19. Асосий кард жангида Долидзе ғалабага эришди + ФОТО

Айни дақиқаларда АҚШнинг Невада штати Лас-Вегас шаҳрида UFC on ESPN 19 турнири бўлиб ўтмоқда.

Бироз аввал асосий карддан ўрин олган жангларнинг бири якунланди. UFC Fight Night (on ESPN 19) турнири "UFC Apex" стадионида ўтказилмоқда. Яримоғир вазн тоифасида ўтган ушбу жангда грузиялик 32 ёшли Роман Долидзе бразилиялик 27 яшар Жон Аллан Артега қарши октагонга кўтарилди.

Уч раундга мўлжалланган жанг тўлиқ давом этди ва ғолиб ҳакамлар қарорига кўра аниқланди. Ҳакамларнинг бири Артега, икки нафари Роман Долидзега ғалабани тақдим этди - 28-29, 30-27, 29-28.

Бу грузиялик жангчининг UFC промоушенидаги иккинчи ғалабаси бўлди. У дебют жангида россиялик Хадис Ибрагимовни мағлубиятга учратган эди. Долидзе ММАда ўтказган 8 та жангининг барчасида зафар қучган. Жон Аллан эса бугун 7-мағлубиятини қабул қилиб олди.