26 июл 14:48
Янгиликлар

Бокс/ММА

UFC on ESPN 27 турнирининг бонуслари кимларга насиб этди?

Хабарингиз бор, кеча АҚШнинг Невада штати Лас-Вегас шаҳрида навбатдаги UFC оқшоми бўлиб ўтган эди.

UFC on ESPN 27 турнири ташкилотчилари энг яхши жанг соҳибларини эълон қилишди. Раулиан Пэйва, Кайлер Филлипс, Даррен Элкинс ва Адриан Яниз кафолатланган гонорардан ташқари қўшимча 50 000 $ бонусга ҳам эга бўлишди.

Раулиан Пэйва ва Кайлер Филлипс "Оқшом жанги" учун мукофотга лойиқ кўрилишган бўлса, Даррен Элкинс ва Адриан Яниз чиройли ғалабалари учун бонусга эга чиқишди.

Эслатиб ўтамиз, оқшомнинг марказий жангида икки вазн тоифасида собиқ UFC камари соҳиби Ти Жей Диллашоу икки йиллик танаффусдан сўнг октагонга қайтиб, Кори Сендхагенни 48:47, 47:48, 48:47 ҳисобларида мағлуб этганди. Ҳакамлардан бири Корининг ғалабасини таъминлаган эди.