UFC on ESPN 44. Беш жангчига 50 минг долларлик бонус тақдим этилди

Беш нафар жангчига кафолатланган гонорардан ташқари қўшимча 50 минг долларлик бонус, яъни мукофот пуллари тақдим этилади. Оқшомнинг энг яхши жанги сифатида америкаликлар - Билл Алжио ва Ти-Жей Браун тўқнашуви тан олинди. Ярименгил вазнда кечган жангнинг иккинчи раундида Билл ватандошини бўғиш усули (rear-naked choke) билан мағлубиятга учратди. 

Яна уч жангчи ёрқин жанглари учун бонусга муносиб кўрилди: Билли Куарантиллони биринчи раундда нокаутга қилган бразилиялик Эдсон Барбоза, биринчи раундда Матеус Николауни нокаутга учратган Брэндон Ройвал, Пьер Родригесни иккинчи раундда оғритиш усули (armbar) билан таслим этган Жиллиан Робертсон.

Эслатиб ўтамиз, оқшомнинг марказий жангида ярименгил вазнда собиқ UFC чемпиони Макс Холлоуэй британиялик Арнольд Алленни очколар ҳисобига кўра мағлубиятга учратган эди.