20 дек 10:49
Янгиликлар

Бокс/ММА

UFC президенти 2022 йилнинг энг кутилаётган жангини айтди

UFC президенти Дана Уайт 2022 йилнинг энг кутилаётган жанги ҳақида берилган саволга жавоб берди.

Унинг айтишича, оғир вазн тоифасидаги чемпионлик жанги 2022 йилда катта шов-шувга сабаб бўлар экан. Унда амалдаги чемпион Фрэнсис Нганну вақтинчалик камар соҳиби Сирил Ганга қарши октагонга кўтарилади.

"Сирил Ган ва Фрэнсис Нганну. Шахсан мен бу жангни интизорлик билан кутаяпман. Октагонда икки даҳшатли жангчилар ўзаро тўқнаш келади. Ҳар иккиси ҳам айни пайтда энг юқори спорт формасида. Уларнинг бири тезкор, техникаси юқори ва оёқда яхши ҳаракат қилади. Иккинчиси жуда кучли зарбага эга", - дейди UFC президенти.

Маълумот учун, Сирил Ган ва Фрэнсис Нганну ўртасидаги чемпионлик жанги 22 январь куни Анахайм шаҳрида бўлиб ўтади ва UFC 270 турнирининг марказий тўқнашувига айланади.