08 июл 07:33
Янгиликлар

Бокс/ММА

UFC президенти Чимаев ва Тони Фергюсоннинг қайтиш муддатлари ҳамда рақиблари ҳақида гапирди

UFC президенти Дана Уайт асли келиб чиқиши чечен, ҳозирда Швеция шарафини ҳимоя қилаётган Хамзат Чимаев ҳамда америкалик Тони Фергюсоннинг қачон октагонга қайтиши ҳақидаги саволларга жавоб берди.

"Хамзатнинг октагонга қайтиши октябрь ойига мўлжалланмоқда. У исталган рақиб билан жанг қилишга тайёр. Балки, рақиб Леон Эдвардс бўлар, лекин жуда катта эҳтимол билан у Нил Магнига қарши октагонга кўтарилади. Ҳозир бу борада музокара олиб боряпмиз.

Шунингдек, биз Тони Фергюсоннинг кейинги жанги ҳақида ҳам бош қотиряпмиз. Тони октагонни ҳар қачонгидан ҳам кўпроқ соғинган. Йил охиригача уни ҳам октагонда кўрамиз", — дея Уайтнинг сўзларини келтирмоқда MMAJunkie.