05 авг 13:04
Янгиликлар

Бокс/ММА

UFC президенти: Хамзат ҳар ҳафта октагонга чиқмоқчи

UFC президенти Дэна Уайт сўнгги бир ой ичида яхшигина шов-шув кўтарган Хамзат Чимаевнинг режалари ҳақида гапирди.

Чимаев 10 кун ичида иккита жангда ғалаба қозониб, ўзига хос рекорд қайд этганди. Уайт ҳозирча Хамзатга Топ-15 рейтингидан жой олган спортчилар билан жанг кафолатланмаганини таъкидлади.

"Ҳозирча унинг кейинги баҳсдаги рақиби Топ-15 жангчиси бўладими, очиғи, буни билмайман. Чимаевнинг жангини ташкил қилиш бўйича ишлаяпмиз. У ҳар ҳафта жанг ўтказишга тайёрлигини маълум қилган. Менга бундай ёндашув ёқади. Топ-15даги жангчилар рози бўладими, деган савол ҳам бор. Энди бу бизнес! Хамзатнинг машҳурлиги кун сайин ошмоқда. У яқин орада кимгадир илк мағлубиятни тақдим этади", — дея Уайтнинг сўзларини келтирмоқда BJ Penn.