UFC рефериси Жон Жонсни қандай қилиб мағлубиятдан қутқариб қолганлигини айтди

"Жон мен уни ёмон кўраман деб ўйлайди, ҳатто мен унинг жангларида ишламаслигим кераклиги ҳақида очиқ ойдин айтади. Тўғрисини айтаман, агар мен ҳакамлик қилмаганимда Жонс Густафссон билан жангда камарини йўқотган бўларди. Хеч қайси ҳакам ўрнимда бўлганида у учун фаолиятини хавф остига қўймасди. 

Биринчи жангда у ўнг кўзи остини ёриб олди. Тўртинчи раундга келиб эса бу жароҳат катта очилиб кетди. Раунд охирида шифокор Жонни кўрди ва жангни тўхтатиш лозимлигини айтди. Жон ўша раундда чемпионлардек жанг қилган, Густафссонни нокаутга учратишига оз қолганди. У жароҳат аҳамиятсиз эканлигини кўрсатганди. 

Мен эса шифокорга жангни давом эттиришга рухсат беришимни айтганман. Мен шифокорга агар вазият янада ёмонлашса жангни тўхтатишимни айтдим. Агар ўшанда баҳсни тўхтатганимда Густафссон ғолиб бўларди", - деди Маккарти.