06 апр 07:23
Янгиликлар
Бокс/ММА
UFC ростеридаги энг ёш аёл жангчи промоушендаги илк ғалабасини қўлга киритди
Аёллар ўртасида енгил вазн тоифасида бразилиялик Элис Перейра (6-1 MMA, 1-1 UFC) дунёнинг энг кучли лигасидаги илк ғалабасини қўлга киритди.
Унинг иштирокидаги жанг кеча Лас-Вегасда ўтган UFC Fight Night 272 турнири доирасида ташкил этилди. Элис рақибаси иккинчи раундда Хейли Коуэн (7-5 MMA, 0-3 UFC)ни тизза зарбаси эвазига нокаутга учратди.
20 ёшли Перейра UFC’да иштирок этган энг ёш аёл жангчи ҳисобланади. У ташкилотдаги дебютини ўтган йилнинг сентябрь ойида 19 ёшида ўтказганди. Ўшанда у ҳакамларнинг алоҳида қарори билан Монтсе Рендонга ютқазиб қўйган эди. Бразилиялик қиз ММАдаги бешта ғалабасидан тўрттасини нокаут билан якунлаган.
2022 йилда UFC билан шартнома имзолаган 34 ёшли Коуэн ҳали ҳам промоушендаги биринчи ғалабасини қўлга кирита олмаяпти. Жароҳатлар гирдобига тушиб қолган Хейли уччала жангида ҳам мағлубият аламини тотиб кўрган.
Ҳавола :
Манба : championat.com
Фикрлар