UFC собиқ чемпиони 2025 йилда ташкил этилиши шарт бўлган учта жангни санаб ўтди

«Биринчи жанг — Жон Жонс ва Том Аспиналл ўртасида. Дана Уайт бу жанг ёзда бўлишини айтди. Лекин менимча, уни ноябрда ташкил қилишади. Бу одатда Жон жанг қиладиган вақт. Бу тўқнашувни ҳамма кўришни хоҳлаяпти.

Иккинчи жанг — Ислам Махачев ва Илия Топурия ўртасида. Одамларнинг эътибори жуда тез пасайиб кетади. Илия бу жангни эътибор марказида ушлаб туриши керак. Топурия Исламга қарши қандайдир воқеалар яратиш, турли гап-сўзлар қилишда давом этиши мумкин. Ҳақоратли гаплар айтиб дўсти Мераб Двалишвили каби шов-шув яратиб, бу жангни яхшигина сотиши лозим.

Учинчи жанг — Муҳаммад ва Делла Маддалена ўртасидаги жанг ғолиби Шавкат Рахмоновга қарши», — деди Сехудо.