UFC собиқ жангчиси уч марта ўқ еди

Бу ҳақда Reuters хабар берди. Кеннеди хавфсизлик ва логистика хизматларига ихтисослашган Vestus Global хусусий компанияси билан шартнома асосида ишлаб келган.

Маълумотларга кўра, сентябрь ўрталарида Тим Кеннеди бўлган гуруҳ пистирмага тушган. Ҳужум оқибатида 20 киши жабрланган, улардан етти нафари ҳалок бўлган.

Кеннеди оёғидан уч марта ўқ еган, бироқ омон қолган. Ҳозир у АҚШнинг Мериленд штатида миллий ҳарбий-тиббиёт марказида даволанмоқда.

Тим Кеннеди аввал АҚШ армиясининг махсус кучларида ҳам хизмат қилган. У Ироқ ва Афғонистондаги ҳарбий операцияларда қатнашган. ММА фаолияти давомида Кеннеди Strikeforce ва UFC ташкилотларида жанг қилган. У Strikeforce'нинг ўрта вазн чемпионлик камари учун икки марта даъвогарлик қилган, бироқ ҳар иккала жангда ҳам мағлуб бўлган.

Кеннеди 2017 йилда ММА'даги фаолиятини якунлаган.