14 июл 17:45
Янгиликлар

Бокс/ММА

UFC тарихида ўзбекистонлик жангчилар илк марта бундай натижага эришишди

25 июль куни БААнинг Абу-Даби шаҳри ММА бўйича UFC Fight Night турнирига мезбонлик қилади.

Аҳамиятлиси, турнир доирасида икки нафар ўзбекистонлик аралаш якка кураш усталари октагонга кўтарилишади. Бу Лига тарихида биринчи марта содир бўляпти. Аввалги турнирларнинг ҳеч бирида бир нафардан ортиқ спортчимиз кардга киритилмаганди.

UFC Abu-Dhabi мусобақасининг марказий жангида ярим оғир вазн тоифаси UFC рейтингида ўнинчи ўринни эгаллаб турган юртдошимиз Богдан Гусков биринчи поғонадаги россиялик собиқ чемпион Магомед Анкалаев билан тўқнаш келади.

Иккинчи асосий баҳсда эса Рамазон Темиров ўта енгил вазн тоифасида австралиялик камар учун собиқ даъвогар атлет Стив Эрцегга қарши баҳс олиб боради.