20 дек 08:05
Янгиликлар

Бокс/ММА

UFC Вегас 17. Собиқ чемпион Энтони Петтис октагонга қайтди + ФОТО

Айни дақиқаларда АҚШнинг Невада штати Лас-Вегас шаҳрида навбатдаги UFC турнири бўлиб ўтмоқда.

Бундан бир неча дақиқа аввал UFC Вегас 17 оқшоми доирасидаги қизиқарли жанглардан бири якунига етди. Унда ярим ўрта вазнда собиқ UFC чемпиони, америкалик 33 ёшли Энтони Петтис (24-10 MMA, 11-9 UFC) 30 яшар ватандоши Алекс Мороно (18-7 MMA, 7-4 UFC)га қарши октагонга кўтарилди.

Ушбу жанг прелиум карднинг сўнгги тўқнашуви эди. Уч раунд тўлиқ давом этган жангда тажрибали Энтони Петтис рақибини очколар ҳисобига кўра мағлубиятга учратди – 29:28, 29:28, 29:28. Бу унинг ММА фаолиятидаги 24-ғалабаси эди. Ҳисобида 10 та мағлубият ҳам бор. Энтони бундан аввалги жангини 9 май куни UFC 249 турнирида Дональд "Ковбой" Серронедан устун келганди.