21 мар 09:27
Янгиликлар

Бокс/ММА

UFC Вегас 22 андеркард жанги нокаут билан якунланди

Айни дақиқаларда АҚШнинг Невада штати Лас-Вегас шаҳрида навбатдаги UFC турнири бўлиб ўтмоқда.

"UFC Apex" стадионида ўтказилаётган UFC Вегас 22 (on ESPN 21) оқшомининг аҳамияти жиҳатидан иккинчи жангида америкалик 35 ёшли Макс Гриффин хитойлик 31 яшар Кэнань Сунга қарши октагонга кўтарилди.

Жанг биринчи раунднинг учинчи дақиқаси ўтиб бораётган бир паллада тўхтатилди. Гриффин осиёлик рақибини нокаутга учратди ва жанг якунланиши билан 30 ёшли ватандоши Жефф Нилни октагонга чорлади. Жефф ярим ўрта вазн UFC рейтингида 11-ўринни эгаллаб турибди.

Маълумот учун, Гриффин ММАдаги фаолияти давомида 17 ғалаба ва 8 мағлубият қайд этган. Хитойлик спортчи эса UFC промоушенида 6 та жанг ўтказган бўлиб, ҳисобида 4 ғалаба ва 2 мағлубият (ММАдаги рекорди – 16-5) бор.