27 июн 08:46
Янгиликлар

Бокс/ММА

UFC Вегас 30 андеркард жангида нокаут қайд этилди + ФОТО

Теглар : UFC Вегас 30

Хабар берганимиздек, бизнинг вақт билан бугун тонг саҳарда АҚШнинг Лас-Вегас шаҳрида UFC Вегас 30 турнири бўлиб ўтди.

Оқшомнинг андеркард жанги ҳам худди марказий тўқнашув сингари оғир вазн тоифасида ўтказилди. Унда канадалик 29 ёшли Таннер Босер америкалик 38 ёшли Овинс Сен-Прёга қарши октагонга кўтарилди. Жанг иккинчи раунднинг учинчи дақиқасида тўхтатилди. Таннер Босер рақибини нокаутга учратди.

Шу тариқа, Босер кетма-кет учта мағлубиятдан кейинги ғалабасига эришди. У ўтган йилнинг июль ойида UFC on ESPN 14 турнирида Рафаэль Пессоага имкониятни бой берганди. Шундан кейин Таннер Андрей Орловский ва Илиру Латифига ҳам ютқазганди. Босер ҳисобида 4 ғалаба ва 3 мағлубият бор. Унинг ММАдаги рекорди — 20-8-1.

Сен-Прё эса қаторасига иккинчи жангида ҳам нокаут билан мағлубиятга учради. Тажрибали яккакураш устаси UFC промоушенида жами 23 та жангта иштирок этган. Ҳисобида 11 мағлубият бор. ММАдаги рекорди — 26 — 16.