27 июн 08:04
Янгиликлар

Бокс/ММА

UFC Вегас 30. Марказий жанг тўлиқ давом этди + ФОТО

АҚШнинг Невада штати Лас-Вегас шаҳрида навбатдаги UFC турнири бўлиб ўтди.

UFC Вегас 30 оқшомининг марказий жанги оғир вазн тоифасида ўтказилиб, унда россиялик 32 ёшли Александр Волков франциялик 31 ёшли Сириль Ганга қарши октагонга кўтарилди.

Жанг тўлиқ беш раунд давом этди ва ғолиб номи ҳакамлар берган баҳо, яъни қарорга кўра аниқланди. Ҳакамлар бир овоздан Сириль Ганнинг ғалабасини таъминлашди — 50-45, 50-45, 49-46.

Шу тариқа, Волков ўзининг UFC`даги 10-жангида учинчи мағлубиятини қабул қилиб олди. Александр ММАдаги фаолияти давомида 33 ғалаба ва 9 мағлубият қайд этган.

Ган эса бугун фаолиятидаги 10-ғалабасини тантана қилди. Бу унинг UFC промоушенидаги олтинчи ғалабаси. Сириль мағлубиятсиз серияни давом эттирмоқда. Волковга қадар у Жаирзиньо Розенстрайк, Жуниор Дос Сантос ва Таннер Босердан устун келганди.