06 фев 10:31
Янгиликлар

Бокс/ММА

UFC Вегас 47. Шавкат Раҳмонов бонусга лойиқ кўрилди

Хабар берганимиздек, бугун тонгда АҚШнинг Невада штати Лас-Вегас шаҳрида навбатдаги UFC турнири бўлиб ўтди.

Оқшом ташкилотчилари кафолатланган гонорардан ташқари ёрқин иштирок учун белгиланган қўшимча бонус кимларга берилишини эълон қилишди. Улар орасида рақибини нокаутга учратган қозоғистонлик Шавкат Раҳмонов ҳам бор.

Собиқ M-1 Challenge чемпиони Карлстон Харрисни биринчи раунднинг ўзида нокаутга учратди. Ушбу ғалаба унга қўшимча 50 минг долларлик бонусни ҳам тақдим этди. Чиди Нжокуани ва Жулиан Эроса ҳам ўз ҳамёнини 50 минг долларга бойитиб олган.

Нжокуани жангнинг 16-сониясидаёқ Марк-Андре Барриони чуқур нокаутга учратди. "Оқшомнинг энг яхши жанги" сифатида Жулиан Эроса - Стивен Петерсон жанги топилди. Ушбу баҳсда Эроса очколар ҳисобига кўра ғалаба қозонди. Петерсон керакли вазнни қила олмагани учун Жулиан 100 минг долларга эга чиқди.