UFC Vegas 51 турнирининг марказий жанги тўлиқ давом этди + ФОТО

"ЮЭфСи Апекс" стадионида ўтган UFC Vegas 51 оқшомининг марказий жанги яримўрта вазн тоифаси вакиллари - америкалик 33 ёшли Белал Муҳаммад ҳамда бразилиялик 30 ёшли Висенте Луке ўртасида бўлиб ўтди.

Жанг тўлиқ давом этди ва унда Муҳаммад ҳакамларнинг якдил қарори билан очколар ҳисоби бўйича ғалаба қозонди - 49-46, 49-46, 49-47.

Шу тариқа, Белал UFC промоушенидаги кетма-кет учинчи ғалабасини тантана қилди. Унинг ММАдаги рекорди 21 ғалаба ва 3 мағлубиятни ташкид этади. Луке эса бугун фаолиятидаги 8-мағлубиятини қабул қилиб олди. Бугун Муҳаммад бразилиялик рақибининг тўртта ғалабали сериясига барҳам берди. 

Эслатиб ўтамиз, Белал Муҳаммад бугунги жанггача UFC яримўрта вазн тоифаси рейтингида олтинчи, Висенте Луке эса бешинчи ўринни эгаллаб турганди.