UFC яна бир тожикистонлик жангчи билан шартнома имзолади, унинг дебюти қачон бўлиши маълум

Гафуровнинг (18-4) UFC'даги дебют жанги 3 июнь куни UFC on ESPN 46 турнирида бўлиб ўтади. Лас-Вегасда ўтказиладиган оқшомда тожикистонлик спортчига АҚШ вакили Жон Кастенада (19-6) рақиблик қилади. 

Қайд этиш жоиз, Гафуров UFC'га захира жангчиси сифатида қўшилди. Аслида Кастенада бразилиялик Матеус Мендонка (10-1) билан жанг қилиши лозим эди. Турнирнинг марказий жанги ўта енгил вазн вакиллари — Кай Кара-Франс ва Амир Альбази ўртасида бўлиб ўтади.

"Биз UFC билан шартнома имзоладик. 3 июнь кунига жангим белгиланди", - дейди 27 ёшли Муин.

Маълумот учун, Гафуров 2021 йилда Dana White's Contender Series саралаш турнирида омадсизликка учраганди. Ўшанда у канадалик Чед Анхелигерга очколар ҳисоби билан ютқазиб, UFC промоушенига ўта олмаган эди. 

Шундан сўнг Муин Гафуров Legacy Fighting Alliance баннери остида иккита жанг ўтказиб, Герберт Реис де Соуза ва Диего Сильвани нокаутга учратди. Тожикистонлик фаолияти давомида ONE Championship, ACB ва UAE Warriors промоушенларида жанг ўтказган.