UFC. Заррух Адашев вазн қила олмагани учун қанча пул йўқотади?

Унда иштирок этган ҳамюртимиз Заррух Адашев белгиланган вазн меъёридан бироз оғирроқ чиқди. Таққослаш учун белгиланган вазн 61 кг бўлса, Заррух 62,6 кг тош босди. 

Жанг қилишини 4 кун олдин эшитган Заррухнинг бундай ҳолатга тушишини нормал қабул қилиш лозим. Энг муҳими, эртага ушбу баҳс ўтказилади ва спортчимиз UFCда дебют қилади. 

Қоидаларга кўра, вазн қила олмаган спортчи гонорарининг маълум миқдоридан маҳрум қилинади. Бизга маълум бўлишича, Адашевнинг 20 фоиз гонорари олиб ташланади. 

Ҳозирча Заррух Адашевнинг жанг учун қанча пул олиши ҳақида очиқ маълумотлар йўқ. Лекин, бошқа бир ўзбекистонлик спортчи Маҳмуд Мурадов UFCдаги дебюти орқали 23 500 доллар ишлаб олганди. Ўшанда у дебют жанги учун кафолатланган 10 000 доллар, шунингдек, баҳсда ғалаба қозонгани учун яна 10 000 долларга эга бўлган. "Rebook" билан имзоланган шартнома учун қўшимча 3 500 долларга ҳам эга чиққанди.

Нима бўлганида ҳам, муҳими дебютни муваффақиятли бошлаб олиш. Olamsport.com сайти эртанги жангда Заррух Адашевга омад тилайди.