UFC'да ўзбекистонликлар кам эканлигига сабаб нима? Jasco Coach жавоб берди + ВИДЕО

- UFC промоушенида жангчиларимизнинг деярли йўқлиги менежерлар билан боғлиқ ҳолатми?

- Албатта менежерларнинг йўқлиги билан боғлиқ. Бизда яхши менежернинг ўзи йўқ. Ўзимизни лигамизни оладиган бўлсак, менежер мен ўзимман. Бошқа менежер йўқ. Ҳам менежер, ҳам мураббий, ҳам ташкилотчи. Қийин жараён-да! Менежер ҳар бир спортчини яхшилаб ўрганиб чиқиши керак. Агар яхшироқ менежер бўлганида, мен ўзига шу ишни топшириб қўярдим: "Сен буни қил, мен ўзимни ишимни қилиб, машғулот ўтказаман, ташкилотлик ишларини юритаман" деб. Чунки бу лига ўзимизники. Бу лигада мен фақат ўтириб олиб, "тренеровка" қилдирсам, бўлмайди. Ташкилий масалаларга ҳам қарашишим, нима бўлаётганини назорат қилишим керак. Буни нафақат бир ўзим, балки жамоамиз билан амалга оширамиз. Шогирдларимиз билан кечаси билан ухламаймиз.

- Бундай ҳолатда жаҳон октагонларида жанг қилиши учун ўзбекистонлик спортчининг хорижда тайёргарлик кўриши энг тўғри йўлми?

- Шунақа деса ҳам бўлади. Ўзи азалдан шунақа эди. Чет элда тезроқ кўтарилади. Маҳмуд Мурадов ҳам чет элда кўтарилган, агар хорижда юрмаганида, ҳозир ҳам UFC'да бўлмасди.

Мураббий билан тўлиқ интервьюни томоша қилинг.