06 июл 17:10
Янгиликлар

Теннис

Уимблдон. 18 ёшли Мирра Андреева 1/8 финалда

Дунёнинг еттинчи ракеткаси Мирра Андреева Лондонда давом этаётган "Катта Дубулға" туркумига кирувчи Уимблдон турнирининг нимчорак финалига чиқди.

Россиялик иқтидор эгаси учинчи босқичда WTA рейтингида 55-ўринни эгаллаб турган америкалик Хейли Баптистни ортиқча қийинчиликсиз мағлубиятга учратди - 6/1, 6/3. Бу теннисчиларнинг ўзаро ўтказган илк учрашуви бўлди.

Етмиш тўққиз дақиқа давом этган баҳсда Андреева 3, Баптист 1 та эйс зарбасини амалга оширган. Иккала теннисчи ҳам 3 тадан қўшхатога йўл қўйган. Брейклар бўйича устунлик ғолиб теннисчи томонида бўлди - 5 га 1. Андреева фаолиятида иккинчи бор Уимблдон турнирининг 1/8 финалига йўл олди.