Уимблдон. Арина Соболенко рақибасига 4 та гейм берди

Сайёрамизнинг иккинчи ракеткаси Арина Соболенко мусобақадаги иштирокини ғалаба билан бошлади. Беларуслик теннис маликаси илк даврада WTA рейтингида 82-поғонадан жой олган венгриялик Панна Удвардини ортиқча қийинчиликсиз мағлуб этди - 6/3, 6/1.

Теннисчиларнинг ўзаро илк учрашуви 63 дақиқа давом этган. Соболенко 8 та эйс, 4 та брейкни амалга ошириб, 2 та қўшхатога йўл қўйди. Унинг иккинчи босқичдаги рақибаси италиялик Камила Жоржи ҳамда франциялик Варвара Грачёва ўртасидаги учрашувдан сўнг маълум бўлади.