11 июл 08:44
Янгиликлар

Теннис

Уимблдон. Ига Cвёнтек ортиқча қийинчиликсиз финалга чиқди

Дунёнинг тўртинчи ракеткаси Ига Свёнтек Лондонда давом этаётган теннис бўйича "Катта Дубулға" туркумига кирувчи Уимблдон турнирининг илк финалчисига айланди.

Польшалик теннис маликаси 1/2 финалда WTA рейтингида 35-ўринни эгаллаб турган швнйцариялик Белинда Бенчични деярли "сухой" билан мағлуб этди - 6/2, 6/0. Теннисчиларнинг ўзаро учрашувларида Ига олдинда бормоқда - 5:1.

Етмиш бир дақиқа давом этган баҳсда Свёнтек 2 та эйс, 5 та брейкни амалга ошириб, 2 та қўшхатога йўл қўйди. Ига фаолиятида олтинчи бор "Катта Дубулға" турнирларининг финалида ўйнайди. Унинг ҳисобида 5 та "Катта Дубулға" соврини бор. Лекин ҳали "Уимблдон"да чемпион бўлмаган.