28 июн 20:02
Янгиликлар

Теннис

Уимблдон қуръаси Надаль, Федерер ва Жокович учун қандай келди?

Хабар берганимиздек, бугун Лондон шаҳрида "Катта Дубулға" туркумига кирувчи Уимблдон турнирининг асосий тўр баҳсларига қуръа ташланди.

Сайёрамизнинг биринчи ракеткаси, мусобақанинг амалдаги ғолиби Новак Жокович қуръа натижасига кўра биринчи даврада германиялик Филипп Кольшрайберга қарши кортга чиқадиган бўлди. Новак жойлашган сетканинг ярмидан ўтган йилги ярим финалчи, мусобақанинг тўртинчи ракеткаси Кевин Андерсон жой олган.

Кевин илк босқичда Пьер-Юг Эрбер, олтинчи ракетка германиялик Александр Зверев чехиялик Иржи Весели билан муносабатларига ойдинлик киритиб олади. Швейцариялик теннис афсонаси Рожер Федерер испаниялик Рафаэль Надаль билан битта сеткада жойлашди. Надаль япониялик Ючи Сугита, Федерер эса Ллойд Харрисга қарши кортга чиқади.